-

Аннотация

Жаздық бидайды ресурсүнемдегіш және дәстүрлі технологияларды қолданып өсіруде зиянды ағзалардың популяцияларында сандық және сапалық өзгерістер байқалады. Минимальды технология қолдануда бидай трипсі және астық бітелерінің саны артады. Дәстүрлі технологияны қолданған егістіктің көп бөлігінде көшпелі зиянкестер (астық қандалалары, бүргелер, цикадалар) кездееді. Жаздық бидайды сүрі танаптан соң, дәстүрлі технологияны қолданып өсірудегі егістікте швед шыбынының популяциясы көбірек, ал минималды технологияны қолданатын келесі ауысымды дақылдарда керісінше болды. Жаздық бидайда саяқ шегірткелер өсіру технологиясына тәуелсіз сүрі танаптан кейінгі егісте аз мөлшерде, ал ауыспалы егістіктен келесі ауысымдағы егістерінде олардың саны кәдімгідей жоғары болды. Жаздық бидайды минимальды технологияны қолданғанда тамыр шірігінің таралуы дәстурлі технологияға қарағанда 1,2-1,4 жоғары болған. Осындай жағдай дақтылық ауруы бойынша да қайталанады.