-

Аннотация

Егістік тары (Panicum miliaceum L.) Қазақстан Республикасының негізгі жармалық дақылы болып табылады. Дәнінің негізгі бөлігі крахмалға тиесілі, бұл амилоза мен амилопектиннен тұрады. Амилоза тары дәнінің маңызды көрсеткіші болып саналады. Берілген мақалада отандық және шетелдік тары коллекциясын амилозаның құрамы бойынша скрининг нәтижесі келтірілген. Скрининг нәтижесі зерттелген 40 үлгіні төрт негізгі топқа жіктеуге мүмкіндік берді: төмен (<15%); орташа (16-22%); жоғарғы (23-29%); өте жоғарғы (30- 35%). Зерттелген барлық сортүлгілердің 10% - төмен амилозалы топқа, 17,5% -
орташа амилозалы топқа, 30% - жоғары және 42,5% - өте жоғары топқа кірді.