СОЛТҮСТІК ҚАЗАҚСТАННЫҢ ДАЛАЛЫ АЙМАҒЫНДА ЖАҢА МАЛ АЗЫҚТЫҚ ДАҚЫЛ ПАЙЗАНЫ МАЛ АЗЫҒЫНА ЖӘНЕ ТҰҚЫМҒА ӨСІРУДІҢ ЭКОНОМИКАЛЫҚ ЖӘНЕ ЭНЕРГЕТИКАЛЫҚ ТИІМДІЛІГІ

Аннотация

Табиғи ылғалдану жағдайында жаңа мал азықтық дақыл пайза үш зерттеу жылдарында (2016-2018 жж.) орта есеппен себу мерзімдері және тұқымның себу мөлшерлеріне байланысты гектарына 18,4-тен 29,4 т-ға дейін жасыл балауса, 5,4-тен 7,5 т-ға дейін пішен, 1,5-тен 2,4 т-ға дейін астық өнімін қалыптастырса, суармалы жағдайда гектарына 44,2 т-ға дейін жасыл балауса, 11,7 т-ға дейін пішен және 4,3 т-ға дейін астық өнімі қалыптастырды, ал дәстүрлі мал азықтық дақыл судан шөбі тиісінше 15,2-ден 18,7 т-ға, 4,0-ден 4,7 т-ға, 1,5-тен 2,2 т-ға және 28,1, 8,2, 3,0 т-ға дейін. Пайзаны пішенге өсірудің рентабелділігі агротехникалық шараларға (себу мерзімі, тұқымның себу мөлшері, суару) байланысты 15,5-тен 22,5%-ға дейінгі аралықта, астыққа өсіргенде 61,7-ден 124,5%-ға дейінгі аралықта өзгерсе, судан шөбінде тиісінше 7,2-ден 11,7-ге және 48,4-тен 62,8%-ға
дейінгі аралықта ауытқыды. Пайзаны пішенге өсірудің энергетикалық тиімділігінің коэффициенті тәжірибе нұсқаларына байланысты 2,8-ден 4,0-ге дейінгі аралықта, астыққа өсіргенде 2,9-дан 6,0-ге дейінгі аралықта өзгерді, мұның өзі судан шөбі көрсеткіштерінен 1,5-2,0 есеге жоғары болды.