Машиналық оқыту негізінде Қазақстандағы жайылымдық мал тығыздығының кеңістіктік-уақыттық таралуын модельдеу

Аннотация

Бұл мақала Қазақстандағы жайылымдық мал тығыздығын 2000–2019 жылдар аралығында 1 км² жоғары кеңістіктік дәлдікпен модельдеуге арналған түпнұсқа ағылшын тіліндегі ғылыми жұмыстың аудармасы мен ғылыми бейімделуі болып табылады. Random Forest әдісі мен 13 әлеуметтік-экологиялық факторды қолдана отырып, жылқы мен ұсақ малдың (қой және ешкі) тығыздығы бойынша жыл сайынғы карталар алғаш рет жасалды және ұлттық статистикалық деректерге бейімделді. Жоғары тығыздықтағы шоғырлану нүктелері елдің оңтүстік және оңтүстік-шығыс өңірлерінде анықталды. Алынған деректер базасы аграрлық саясатта, экологиялық мониторингте және кеңістіктік жоспарлауда пайдалануға ашық.