Солтүстік Қазақстан аумағында карантинді арамшөптердің фитосанитарлық мониторингісі мен күресу шаралары
##plugins.pubIds.doi.readerDisplayName##:
https://doi.org/10.51452/kazatu.2025.4(128).2053Аннотация
Мақалада Солтүстік Қазақстан аумағында карантинді арамшөптердің фитосанитарлық мониторингісі мен күресу шараларының нәтижелері келтірілген. Карантинді нысандарды шолу жұмыстары Ақмола, Солтүстік Қазақстан, Қостанай және Павлодар облыстарында жүргізілді. Ғылыми-зерттеу жұмыстарының нәтижелерінде жоғарыда аталған барлық облыстарда жатаған (қызғылт) укекіре кездеседі, ал арам сояу Ақмола және Павлодар облыстарында анықталды.
Жатаған (қызғылт) укекіре (Acroptilon repens (L) DC) – күрделі гүлділер Asteraceae (Compositae) тұқымдасына жататын көпжылдық атпатамырлы арамшөп. Арам сояу (Cuscuta spp.) - облигатты паразиттер тобынан шыққан бір жылдық бұралған шөптесін өсімдік - барлық жерде кездеседі. Қазақстанның солтүстік өңірлерінде арам сояу кең таралмаған, негізінен жол жиектерінде, жыра бойында, темір жолдардың жанында, өзендердің жағасында, мемлекеттік орман жерлерінде өседі.
Зерттеу жұмыстары Солтүстік Қазақстан аумағындағы карантинді арамшөптердің таралуы мен зияндылық дәрежесі бойынша кешенді ақпарат алуға бағытталған. Алынған ғылыми деректер өңірдің фитосанитариялық жағдайын бағалауға және аталған карантинді арамшөптердің таралуын бақылау мен шектеудің тиімді шараларын әзірлеуге негіз болмақ.
